كنت بأسمع واحد من محللي مباريات كرة القدم بيقول :" اللي بيضيع بيتعاقب " .. كان يقصد طبعاً إن الفريق اللي بيوصل لمرمي الخصم كتير لكنه بيستهتر في إنهاء الهجمات لازم يتعاقب علي إستهتاره ده ، وبيكون العقاب إنه بيخسر بعد كده خسارة أكبر بكتير من المكسب اللي هو ضيعه ..
إكتشفت إن الموضوع ده مش مقتصر علي ماتشات الكورة بس ، لأ ده بيتعداه كمان لكل مجالات الحياة تقريباً ، أي فرصة سهلة بتجيلك في أي مجال وأي مرحلة وبتضيعها بإستهتارك ، حتتعاقب عليها .. والله العظيم حتتعاقب عليها ..
السبب إن مبعث الإستهتار والتضييع في الحالتين واحد ، وهو إني أحس بنفسي أوي .. أنا قوي ومسيطر ، الحاجة الصغيرة دي مش حتفرق معايا كتير لو خسرتها ، انا قادر إني أعوضها ..
ده مبعثه الزهو والمبالغة في الثقة بالنفس أو بغير النفس من المقومات المادية .. بشئ من التفكير والتخيل نقدر نقول إن مبعث الكلام ده الفعلي هو الكبر .. !
الكبر المنهي عنه شرعاً واللي بيعتبر بلوة من أكبر البلاوي اللي ممكن الإنسان يقع فيها .. الكبر اللي ودي إبليس في داهية وخلاه يوصل للي هو فيه دلوقتي ..
كل ده ومستغرب إنك تتعاقب ؟؟؟
يا شيييييخ .. !
عندك حق يااحمد ..
ردحذفالغرور هو اللى بيكون مبعث ان الانسان يضيع الفرص اللى فى ايده بانه يفكر انها سهلة جدا وانه ممكن يوصلها تانى وقت ماهو عايز ..
مش عارف ان اللى فى ايده دلوقت ومش هامة ممكن يكون ده منتهى املة بعد كده ..
معاكي يا علياء وسعيد جداً بردك ددده ، المدونة دي كانت إتملت عناكب من قلة الردود .. !!!
ردحذفشكراً يا علياء .. :)
أنا قاعدة بدور على زرار اللايك من الصبح مش لقياه.. ودورت عليه في فليخرج عشان ردك ده برضه ملقيتهوش.. أوووف ..
ردحذفما علينا كلامك عجبني جدًا.. لأنه صحيح وبيعبر عني بشكل أو بآخر.. بس إممم مش شرط يكون الموضوع إني مش هاممني وهقدر أعوض وكده.. بس هو نوع من المعرفة بالقدرات أحيانًا.. يعني أنا عارفة إني أقدر أأخر شغل مثلاً لأني لو جيت زنقت نفسي في آخر كام ساعة هقدر أخلصه لأني عارفة قدراتي وعارفة إني هقدر أخلص لما أحب عن تجربة .. مش عشان حاسة بنفسي أوي.. فاهم الفرق؟؟
وأحيانًا برضه بيكون الإحساس ده حيلة دفاعية.. يعني مش شرط يكون الفرد عايز "يكبر ويسيطر" :p لكن ممكن هو بيحس كده لما بيضيع حاجة أو يقول هقدر أعوضها مش مهم كنوع من عدم إشعار النفس بالفشل أو الهروب من شعوره بفقدان شيء ما وفشله في الحصول عليه لأنه مقدرش.. فبيحولها لأنه هو بمزاجه مش فارق معاه .. يعني الموضوع ممكن ميكونش كبر برضه.. مجرد حيلة دفاعية أخرى,...
ومدونتك جميلة ما شاء الله باي ذا واي يعني :D
كنتي تقدري تعملي لايك للبوست في الجروب او عندي يا ختي .. ::eshmeknaa::
ردحذفطبعاً مش بأتكلم خالص علي الحالة اللي تقصديها دي ، أنا كلامي منصب علي حالة أخري وهي إني( أضيع ) الفرص فعلياً ، وعن عمد وإستهتار ، مش مجرد إني أأجل الحاجة لإني ممكن أعملها بعدين ..
بصي حأديكي مثال حلو لسة جاي علي بالي ، وحصل معايا قبل كده ، لما تقعدي مثلاً تصرفي فلوسك علي هبل وتضيعيها في حاجات تقدري تستغني عنها ، زي ماتاخدي تاكسي لمشوار قريب مثلاً لإنك مكسلة او كده .. وإنتي عاملة حسابك إنك موفرة بقية الفلوس اللي معاكي وعشان كده بتبعتري براحتك ، في الحالة دي فلوسك اللي إنتي شايلاها ومتطمنالها دي حتروح في لمح البصر ..
مع العلم بإن مسألة معرفة القدرات دايماً بتبقي الباب اللي بيوصل للكبر .. أومال الواح حيتكبر ليه لو ماكانش عارف قدراته واثق فيها ؟
الكبر هو ثقة زائدة في النفس ، فلتت مني وخلتني أتغر بقدراتي دي ، فبقت كبر ..
أما عن الحيلة الدفاعية دي ، فهي بتيجي بعد ما الحاجة اوريدي بتضيع ، وفي الحالة دي إنتي بتقلبي الآية وبتسعي من جواكي فعلاً إنك تعوضي اللي فاتك .. لكن أنا بأتكلم علي إنك تبقي إبتداءً مستهترة بالشغل او بالموضوع اللي بتنجزيه أياً كان ، إبتددااااءً .. بالتالي الحالتين عكس بعض تماماً .. :D
طبيعي المدونة جميلة ده العادي يعني .. إنتي كنتي متوقعة حاجة تانية ولا إيه ؟!!!
إبقي نورينا بردودك بقي طالما المددونة عجبتك ، وشكراً علي الرد ده يا ميس هولز .. بوهاهاهاهاهاهاهاها .. !
غنتا برنس يابني و الله
ردحذفوغنت حبيبي..
ردحذف